Қазақстандық қаптама кірпіш зауыты
KAZBM (Kazakhstan Building Mixtures) — Павлодардағы гиперпрестелген қаптама кірпіш өндіретін зауыт. 2024 жылдың мамыр айында қаптама кірпіштің алғашқы партиясын шығардық. Содан бері Қазақстанның барлық өңіріндегі құрылыс компанияларын, дилерлерді және жеке құрылысшыларды сапалы әрі ұзақ қызмет ететін материалмен қолжетімді бағамен қамтамасыз етіп келеміз.
Кірпішті қалай жасаймыз
Гиперпрестеу — бұл күйдіру емес. Кірпіш күйдірілмейді — ол жоғары қысыммен қалыптасады, ал оның жиырмасыншы қысты қалай өткеретіні әрбір қадамдағы дәлдікке байланысты.
- Әктас. Негізі — табиғи әктас. Ол біркелкі массаға дейін ұсақталып, еленеді: дайын кірпіштің беріктігі мен ұзақ қызмет ету мерзімін қамтамасыз ететін негізгі құрам.
- Ұшпа күл. Біздің қоспамыздың негізгі қосындысы. Ол беріктік пен тығыздықты арттырады, су сіңіруді азайтады, түстің оңуына, сілтілік реакцияларға және жарылуға төзімділікті күшейтеді. Оған қоса бұл — экологиялық шешім: электр станцияларының минералды қалдығын полигонға жіберудің орнына қайта пайдаланамыз.
- Грамға дейінгі дозалау. Араластырғыш пен пигмент бункерлері тензодатчиктермен жабдықталған. Қоспаның құрамы әр араластыру кезінде тұрақты — сондықтан кірпіштің түсі партиядан партияға біркелкі сақталады.
- М500 Д0 цементі — қоспасыз. Бұл цемент әдейі таңдалған: қоспасыз цементтің өзі тұз дақтарының — бір жылдан кейін қасбетті бұзатын сол ағарған дақтардың — пайда болуына жол бермейді.
- Кері осмостан өткен су. Әдетте айтылмайтын ұсақ-түйек. Таза су — дайын беттегі ақ дақтардың болмауы деген сөз.
- 300 тонна қысым. Оның астында қоспа тығыз тасқа айналады. Беріктік пен сыртқы әсерлерге төзімділік осыдан.
- Қол еңбегінің орнына робот. Дайын кірпішті робот-қалаушы алады — сынық пен зақымдану қаупі барынша азайтылған.
- 8 сағаттық булау. Белгіленген температура мен ылғалдылықтағы камерада кірпіш беріктігін толық жинайды.
- Жару және орау. Қажет болса, кірпішке жырымдалған сәндік фактура беріледі, содан кейін ол паллеттерге жиналып, оралады.
Уәде емес, расталған сапа
Біз ресми түрде отандық өндіруші деп танылдық: Индустриялық сертификат № 114 5 00031, өнім Қазақстан Республикасының ұлттық тауарлар тізіліміне енгізілген. Кірпіштің барлық түрі аккредиттелген орталықта сертификаттау сынақтарынан өтіп, СТ ҚР 3370-2019, ГОСТ 7025-91 және ГОСТ 8462-85 талаптарына сай келеді.
- Сығуға беріктік: 15,8–16,8 МПа, норма кемінде 15,0 МПа.
- Иілуге беріктік: 3,06–3,40 МПа, норма 1,4–1,8 МПа.
- Аязға төзімділік F100: зақымданудың бірде-бір белгісінсіз 100 қату-еру циклі.
- Су сіңіру: 5,5–5,9 %, норма 4–6 %.
- Геометрия бойынша ауытқу: 0 мм, рұқсат ±1 мм.
- Радионуклидтер: 86,7 Бк/кг, норма 370 Бк/кг-нан аспайды.
Мұқият қарауға тұрарлық екі сан. Иілуге беріктік нормативтен екі есеге жуық жоғары — бұл қалаудың жарыққа төзімділігін едәуір арттырады. Радиациялық фон рұқсат етілгеннен 4 есе төмен — мұндай материалдан тұрғын үй салу толық қауіпсіз.
Ал сынақ хаттамасында ұзындығы, ені мен биіктігі бойынша ауытқу бағанында нөл көрсетілген. «Рұқсат шегінде» емес — нөл.
Не өндіреміз?
Беріктік маркасы 150, барлық өнімдер І санатқа жатады:
- КЦОЛП-150/100 — одинарный лицевой пустотелый, 250×120×65 мм.
- КЦУзЛП-150/100 — узкий лицевой пустотелый, 250×60×65 мм.
- КЦОР-150/100 — одинарный рядовой полнотелый, 250×120×65 мм.
- КЦУРП-150/100 — утолщённый рядовой пустотелый, 250×120×88 мм.
Өндіріс орны: Павлодар, Солтүстік өнеркәсіп аймағы, 361-құрылыс.
Сату бөлімі: Павлодар, Академик Сәтбаев көшесі, 11.
